बैतडीः बैतडीको पञ्चेश्वरमा जिप दुर्घटना हुँदा जिप चालक सहित ५ जनाका घटनास्थलमै मृत्यु भएको छ। भने ३ जनाको अवस्थामा गम्भीर रहेको छ ।
सोमबार साँझ परेको चट्याङ लागेर घटना स्थलमै मृत्यु भएका पञ्चेश्वर गाउँपालिका–०६ का वडा सदस्य गोविन्द सिंह भण्डारीको सब पोस्टमार्टमका लागी जिल्ला अस्पताल बैतडी लैजाने क्रममा से १ ज १८३ नम्बरको बोलेरो जिप दुर्घटना हुँदा जिप चालक सहित ५ जनाका घटनास्थलमै मृत्यु भएको हो ।
मृत्यु भएका ५ जना मध्ये ४ जनाको पहिचान खुलेको छ। मृत्यु हुनेमा बैतडीको पञ्चेश्वर गाउँपालिका वडा न ६ रोडिदेवलका दीपक भण्डारी ३४ वर्ष, जित सि भण्डारी ५३ वर्ष, हिकमत सि भण्डारी २६ वर्ष र डम्बर भण्डारी ३० वर्ष र जिप चालक दशरथचन्द नगरपालिका ०४ का तेज ब. बोहरा रहेको जनाइएको छ । गम्भीर घाइते भएका ३ जनालाई जिल्ला अस्पताल बैतडी लगिएको जनाइएको छ ।
पञ्चेश्वर गाउँपालिका ०६ रोडिदेवलको गणमेश्वर मन्दिर नजिकै जिप दुर्घटना हुँदा जिप सडकबाट करिब ५०० मिटर तल खसेको जनाइएको छ ।
