धनगढीः सोमबार सुदूरपश्चिम प्रदेशमा ७९ जना कोरोना संक्रमितले कोरोना परास्त गरेर घर फर्किएका छन्। प्रदेशका विभिन्न अस्पतालहरुबाट उनीहरु निको भइ घर फर्किएको सुदूरपश्चिम स्वास्थ्य निर्देशनालय दिपायलले जनाएको छ।
हालसम्म पीसीआर र ऐन्टिजेन विधिबाट सुदूरपश्चिममा १ लाख ८५ हजार ३ सय ६८ नमूना परीक्षण गर्दा २४ हजार ८ सय ७२ जनामा संक्रमण फेला परेको छ। प्रदेशभर संक्रमण पुस्टि भएका १४ हजार ८ सय ४४ जनाले कोरोना जितेका छन्।
