अछाम: अछाममा आइतबार राती जिप दुर्घटना भएको छ । जिल्लाको चौर पाटी गाउँपालिका–१ सिउँडीमा से १ ज ४९० नम्बरको जिप दुर्घटनामा परेको हो ।
डिजेल बोकेर गएको जिप खान्डाँडा भन्ने टोलमा दुर्घटना भएको जिल्ला प्रहरी कार्यालय अछामले जनाएको छ । जिप सडकबाट १ सय मिटर तल खसेको छ ।
सडकको अवस्था नराम्रो भएका कारण जिप दुर्घटना भएको हुनसक्ने प्रहरीले अनुमान गरेको छ । प्रहरीले दिएको जानकारी अनुसार मानवीय क्षेती भने भएको छैन ।
