धनगढी : शुक्रबार सुदूरपश्चिम प्रदेशमा १५८ जनामा कोरोना भाइरस पुष्टि भएको छ । प्रदेशका विभिन्न स्थानमा १ हजार ३८५ नमुना परीक्षण गरिएकोमा १५८ जनामा संक्रमण पुष्टि भएको स्वास्थ्य निर्देशनालय डोटीले जनाएको छ ।
निर्देशनालयका अनुसार एक हजार २६९ जनामा एन्टिजेन परीक्षण गर्दा १०१ जना र ११६ जनाको पिसिआर परीक्षण गर्दा ५७ जनामा संक्रमण देखिएको हो । भारतबाट फर्किनेको संख्या बढेसंगै सुदूरपश्चिम प्रदेशमा कोरोना भाइरसको संक्रमण दर पनि ह्वात्तै बढेको छ ।
आज मात्रै भारबाट स्वदेश फर्केका ९७ जनामासंक्रमण पुष्टि भएको स्वास्थ्य निर्देशनालयले जनाएको छ । यस्तै २४ घण्टामा यस प्रदेशमा ६ जना डिस्चार्ज भएका छन् ।
