सोधपत्र संवाददाता

डेस्क

सोधपत्र डेस्क

‘मनिराज ईश्वरी वाङ्मय परिषद’ र ‘यादहरूमा काव्याञ्जली’ लोकार्पित

सोधपत्र संवाददाता
‘मनिराज ईश्वरी वाङ्मय परिषद’ र ‘यादहरूमा काव्याञ्जली’ लोकार्पित धनगढी: नेपाली भाषा, साहित्य, कला, संस्कृति तथा मौलिक वाङ्मयको संरक्षण, संवर्द्धन र प्रवर्द्धन गर्ने उद्देश्यले स्थापित ‘मनिराज ईश्वरी वाङ्मय परिषद’ को औपचारिक घोषणा तथा लोकार्पण शनिबार सुदूरपश्चिमाञ्चल क्याम्पस, धनगढीको सभाहल मा सम्पन्न भएको छ। सोही अवसरमा परिषदद्वारा प्रकाशित नवोदित साहित्यकार मनोजकुमार भट्ट को पहिलो काव्यकृति ‘यादहरूमा काव्याञ्जली’ को समेत लोकार्पण गरिएको छ। साहित्य, संस्कृति र सृजनशीलताको समन्वयका रूपमा सम्पन्न उक्त समारोहमा सुदूरपश्चिमका अग्रज तथा नवोदित स्रष्टाहरूको उल्लेखनीय सहभागिता रहेको थियो। नेपाल श्रीवैष्णव परिषदका अध्यक्ष आबाल ब्रह्मचारी अनन्त श्रीविभूषित कविराज स्वामी श्री देवराज आचार्य को प्रमुख आतिथ्य तथा सुदूरपश्चिम प्रज्ञा प्रतिष्ठान का कुलपति रामचन्द्र नेपाल को विशिष्ट आतिथ्यमा सम्पन्न कार्यक्रममा महाकाव्यकार मनिराज जोशी, साहित्यकार पदमराज जोशी, प्राध्यापक, अनुसन्धानकर्ता, साहित्यकार, भाषासाहित्यप्रेमी तथा विभिन्न क्षेत्रका बुद्धिजीवीहरूको उल्लेखनीय उपस्थिति रहेको थियो। कार्यक्रममा परिषदको औपचारिक घोषणा गर्दै संस्थाको अध्यक्षमा साहित्यकार, भाषा एवं संस्कृतिविद्, भागवत कथावाचक तथा प्राध्यापक डा. देबेन्द्रप्रसाद भट्ट ‘दीप्त’ लाई घोषणा गरिएको छ। परिषदको उपाध्यक्षमा तारा रोस्यारा जोशी, सचिवमा चेतराज पनेरु, कोषाध्यक्षमा चेतराज ओझा तथा सदस्यहरूमा टोपेन्द्र शाह, हरिप्रिया श्रेष्ठ, हरिलाल गिरी, इन्दिराकुमारी जोशी र भावना जोशी रहनुभएको छ। परिषदका संरक्षकका रूपमा महाकाव्यकार मनिराज जोशी तथा सल्लाहकारका रूपमा साहित्यकार पदमराज जोशी र प्राध्यापक जगन्नाथ जोशी रहनुभएको छ। समारोहमा बोल्ने वक्ताहरूले नेपाली भाषा, साहित्य र संस्कृतिको संरक्षणसँगै सुदूरपश्चिमको मौलिक वाङ्मयलाई खोज, अनुसन्धान, प्रकाशन तथा प्रवर्द्धनमार्फत राष्ट्रिय तथा अन्तर्राष्ट्रिय स्तरसम्म पुर्‍याउन परिषदले महत्वपूर्ण भूमिका निर्वाह गर्ने विश्वास व्यक्त गरेका थिए। उनीहरूले नवोदित स्रष्टालाई प्रोत्साहन गर्दै साहित्यिक सिर्जनाको निरन्तरताका लागि यस्ता संस्थाहरूको आवश्यकता अझ बढ्दै गएको धारणा राखेका थिए। यसै अवसरमा परिषदको पहिलो प्रकाशनका रूपमा नवोदित साहित्यकार मनोजकुमार भट्ट को काव्यकृति ‘यादहरूमा काव्याञ्जली’ को लोकार्पण गरिएको थियो। कृतिमाथि सुदूरपश्चिमाञ्चल क्याम्पस की उपप्राध्यापक सावित्रीकुमारी जोशी ले समीक्षात्मक टिप्पणी प्रस्तुत गर्दै कृतिको भावपक्ष, विषयवस्तु, संरचना, भाषाशैली, अभिव्यक्ति तथा समकालीन साहित्यमा यसको स्थानबारे विस्तृत प्रकाश पार्नुभएको थियो। कार्यक्रममा बोल्ने अन्य वक्ताहरूले पनि कृतिलाई युवा पुस्ताको संवेदनशील अनुभूति, जीवनदर्शन र सिर्जनात्मक अभिव्यक्तिको सशक्त दस्तावेजका रूपमा मूल्याङ्कन गर्दै लेखकको उज्ज्वल साहित्यिक भविष्यको शुभकामना व्यक्त गरेका थिए। कार्यक्रमको प्रारम्भमा परिषदकी उपाध्यक्ष तारा रोस्यारा जोशी ले स्वागत मन्तव्य व्यक्त गर्दै परिषदको स्थापना साहित्य, भाषा, संस्कृति तथा वाङ्मयको विकासका लागि समर्पित साझा अभियान भएको बताउनुभयो। त्यसैगरी सुदूरपश्चिमाञ्चल क्याम्पस का नेपाली भाषा तथा साहित्य विषय अध्ययनरत छात्राहरू सिरिया शाही, महेश्वरी साउँद, प्रमिला महता र लक्ष्मी जोशी ले लोकलयात्मक शैलीमा ‘यादहरूमा काव्याञ्जली’ बाट कृतिवाचन प्रस्तुत गरी समारोहलाई थप आकर्षक, जीवन्त र भावपूर्ण बनाएका थिए। परिषदका संस्थापक सचिव चेतराज पनेरु ले सञ्चालन गर्नुभएको उक्त कार्यक्रम साहित्यिक सौहार्द, सांस्कृतिक गरिमा र सृजनात्मक उत्साहका साथ सम्पन्न भएको थियो। सहभागीहरूले ‘मनिराज ईश्वरी वाङ्मय परिषद’ को स्थापना सुदूरपश्चिमको साहित्यिक आन्दोलनका लागि एउटा ऐतिहासिक उपलब्धि भएको उल्लेख गर्दै यस संस्थाले भविष्यमा भाषा, साहित्य, संस्कृति, अनुसन्धान, प्रकाशन तथा नयाँ प्रतिभाको विकासमा उल्लेखनीय योगदान पुर्‍याउने विश्वास व्यक्त गरेका थिए।

धनगढी: नेपाली भाषा, साहित्य, कला, संस्कृति तथा मौलिक वाङ्मयको संरक्षण, संवर्द्धन र प्रवर्द्धन गर्ने उद्देश्यले स्थापित ‘मनिराज ईश्वरी वाङ्मय परिषद’[...][...]

बेलायती राजकुमारले हारे डेली मेलविरुद्धको मुद्दा

सोधपत्र संवाददाता

काठमाडौं : बेलायतका राजा चार्ल्स तृतीयका कान्छा छोरा प्रिन्स ह्यारीले डेली मेलका प्रकाशकविरुद्ध दायर गरेको गोपनीयतासम्बन्धी मुद्दामा हार बेहोरेका छन्।[...][...]

धनगढीमा BYD को अत्याधुनिक शोरूम सञ्चालन, EV बजारमा नयाँ उत्साह

सोधपत्र संवाददाता
धनगढीमा BYD को अत्याधुनिक शोरूम सञ्चालन, EV बजारमा नयाँ उत्साह

चिनियाँ इलेक्ट्रिक भेहिकल निर्माता कम्पनी BYD ले धनगढीमा आफ्नो नयाँ अत्याधुनिक शोरूम सञ्चालनमा ल्याएको छ। बोराडाँडीस्थित आर्मी ब्यारेक नजिक स्थापना[...][...]

धनगढीको एसपीए कलेजलाई ‘राष्ट्रिय शिक्षा सम्मान २०८३’

सोधपत्र संवाददाता
कैलालीको धनगढी स्थित सुदूर पश्चिमाञ्चल एकेडेमी एसपीए कलेजलाई ‘राष्ट्रिय शिक्षा सम्मान २०८३’ प्रदान गरिएको छ।

धनगढी : कैलालीको धनगढी स्थित सुदूर पश्चिमाञ्चल एकेडेमी एसपीए कलेजलाई ‘राष्ट्रिय शिक्षा सम्मान २०८३’ प्रदान गरिएको छ। शिक्षा क्षेत्रमा पुर्‍याएको[...][...]

गौशालामा फलफूल सेवा गर्दै धनगढीका आशुतोष सिंहले मनाए जन्मोत्सव

सोधपत्र संवाददाता
गौशालामा फलफूल सेवा गर्दै धनगढीका आशुतोष सिंहले मनाए जन्मोत्सव

धनगढी । पछिल्लो समय जन्मदिन तथा विभिन्न उत्सवहरू तडकभडक, भोजभतेर र अनावश्यक खर्चमा सीमित भइरहेका बेला धनगढीका एक युवाले आफ्नो[...][...]

एसपीए कलेजकी नीतिका अवस्थी व्यवस्थापनतर्फ नेपालकै उत्कृष्ट विद्यार्थीमध्ये एक

सोधपत्र संवाददाता
एसपीए कलेजकी नीतिका अवस्थी व्यवस्थापनतर्फ नेपालकै उत्कृष्ट विद्यार्थीमध्ये एक

धनगढी: धनगढी स्थित एसपीए कलेजकी छात्रा नीतिका अवस्थीले राष्ट्रिय परीक्षा बोर्ड अन्तर्गत कक्षा १२ को परीक्षामा व्यवस्थापन संकायतर्फ ३.९६ जीपीए[...][...]

अत्तरियामा यामाहाको ‘बेस्ट एक्सचेन्ज’ अभियान सुरु

सोधपत्र संवाददाता
अत्तरियामा यामाहाको ‘बेस्ट एक्सचेन्ज’ अभियान सुरु

अत्तरिया: यामाहा नेपालको आधिकारिक वितरक MAW Group अन्तर्गतको अधिकृत डिलर शुभकोटी मोटर्स ले ‘यामाहा बेस्ट एक्सचेन्ज’ अभियान सञ्चालनमा ल्याएको छ।[...][...]

बरेलीमा डिसीएका आकुश चन्दको लगातार उत्कृष्ट प्रदर्शन

सोधपत्र संवाददाता
बरेलीमा डिसीएका आकाश चन्दको लगातार उत्कृष्ट प्रदर्शन

बरेली: भारतको उत्तर प्रदेश स्थित बरेलीमा भइरहेको मैत्रीपूर्ण क्रिकेट शृंखलामा धनगढी क्रिकेट एकेडेमी (डिसीए) का आकुश चन्दले लगातार उत्कृष्ट प्रदर्शन[...][...]

ब्रिष्टन क्रिकेट कपको उपाधि एसपिए कलेज धनगढीलाई

सोधपत्र संवाददाता
ब्रिष्टन क्रिकेट कपको उपाधि एसपिए कलेज धनगढीलाई

धनगढी: महेन्द्रनगरमा ब्रिष्टन कलेजद्वारा आयोजित ‘ब्रिष्टन क्रिकेट कप २०२५ सिजन–२’ को उपाधि सुदूर पश्चिमाञ्चल एकेडेमी (एसपिए) कलेज, धनगढीले जितेको छ।[...][...]