धनगढीः अनेरास्वब्यू कैलालीले रक्तदान कार्यक्रम आयोजना गरेको छ ।
प्रजातन्त्र दिवसको पूर्व सन्ध्यामा अनेरास्वब्यूले रक्तदान कार्यक्रम आयोजना गरेको हो । कार्यक्रममा ४० जनाले रक्तदान गरेको अनेरास्वब्यू केन्द्रीय सदस्य रक्षा बम ले बताइन् ।
अनेरास्वब्यू जहिले पनि समाजसेवामा समर्पित भएका कारण प्रजातन्त्र दिवसको पूर्व सन्ध्यामा रक्तदान कार्यक्रम आयोजना गरेको बमले जानकारी दिइन् ।
