लोकसेवा आयोगले मागेको छ ४८९ जना कर्मचारी, कुनकुन पदमा मागेको छ ? निजामति सेवामा तपाई जागिर खान खोज्दै हुनुहुन्छ ? लोक सेवा आयोगले निजामती सेवा, राजपत्र अनंकित द्वितीय श्रेणी (खरिदार) पदमा ४८९ जना कर्मचारी मागेको छ ।
राष्ट्रिय दैनिकमा सुचना प्रकाशन गर्दै दरखास्त आह्वान गरेको हो । एसएलसी पास गरेर अध्ययनलाई विचैमा छाडेकाले समेत मौका पाउनेछन् । आयोगले विभिन्न कार्यालयका लागि कर्मचारी माग गरिएको हो ।
न्यूनतम एसएलसी वा सो सरह योग्यता पुगेका इच्छुक उम्मेदवारले दरखास्तको आवेदन दिन सक्नेछन् । दरखास्तको निम्ति लोकसेवा आयोगको वेबसाइटमा गई अनलाइन फर्म भर्नुपर्नेछ । दरखास्त दिने अन्तिम मिति १७ चैतसम्म रहेको छ भने दोब्बर दस्तुर तिरी २४ चैतसम्म दरखास्त दिन सकिनेछ ।
