धनगढी: कैलालीमा चिरिरहेको अवस्थामा दुई जना पक्राउ परेका छन । जिल्लाको मोहन्याल गाउँपालिका वडा नम्बर ०७ संगम सामुदायिक वनको बडिआममा अवैध रुपमा काठ चिर्ने ईलामको फागुनन्दा गाउँपालिका ७ का विक्रम लिम्बु र अर्जुन लिम्बुलाई प्रहरीले पक्राउ गरेको हो ।
सालको काठ चिरिरहेको अवस्थामा काठ ईलाका प्रहरी कार्यालय सुगरखालबाट खटिएको प्रहरी टोलीले उनीहरुलाई पक्राउ गरेको जिल्ला प्रहरी कार्यालय कैलालीले जनाएको छ । उनीहरुको साथबाट काठ चिर्ने मेसिन एक थान, ३.४ को सात फुटको कडी १ सय १९ थान, १० फुटको कडी ३१ थान, ७ फुटको पट्रा ३६ थान र २.४ ईन्चको कडी ६ थान पनि बरामद गरिएको छ ।
उनीहरुबाट बरामद गरिएको मेसिन र काठ सहित दुवै जनालाई आवश्यक कारबाहीका लागी संगम सामुदायिक वनलाई बुझाईएको जिल्ला प्रहरी कार्यालय कैलालीले जनाएको छ ।
