दाङमा श्रीमानले लाठी प्रहार गरी श्रीमतीकाे हत्या गरेका छन् ।
जिल्लाकाे गढवा गाउँपालिका-६ बालापुरका ६० वर्षीय दानबहादुर थापाले ५० वर्षीया श्रीमती सुनिता राेकाकाे लाठी प्रहार गरी हत्या गरेका हुन् ।
मदिरा सेवन गरेका थापाले सामान्य घरायसी विवादका क्रममा श्रीमतीकाे टाउकाेमा तथा घाँटीमा लाठी प्रहार गरेका र श्रीमतीकाे घटनास्थलमै मृत्यु भएकाे जिल्ला प्रहरी कार्यालय दाङले जनाएकाे छ।
राेका थापाकी कान्छी श्रीमती हुन् । श्रीमतीकाे हत्या गरी फरार रहेका थापाकाे खाेजी भइरहेकाे प्रहरीले जनाएकाे छ ।
