धनगढी : धनगढी उप-महानगरपालिकामा अन्दाजी ३३ वर्षीय एक युवकको शव फेला परेको छ। वडा नम्बर ५ काे जाँई-शिवनगर सडकस्थित केराबारीमा युवकको शव फेला परेको जिल्ला प्रहरी कार्यालय कैलालीले जनाएको छ।
सोमबार बिहान १० बजे उनको शव नालीमा फेला परेको कैलाली प्रहरीका प्रवक्ता प्रहरी नायब उपरीक्षक वेदप्रकाश जोशीले बताए। ‘घाँटीमा चोटपटक लागेको देखिन्छ। हत्या आशंकामा डग स्न्यापिङ गरिरहेका छौं। थप विवरण अनुसन्धानपछि खुल्छ’ उनले भने। मृतकको सनाखत भएको छैन।
