धनगढी : नेपाली काँग्रेस निकट विद्यार्थी संगठन नेपाल विद्यार्थी संघको सुदूरपश्चिमाञ्चल क्याम्पस कमिटीले धनगढीस्थित दृष्टी फाउन्डेसनलाई सहयोग गरेको छ। नेविसंघका नेता तथा कार्यकर्ताहरुले बिहिबार फाउन्डेसनलाइ खाद्यान्न सहयोग गरेका हुन्।
होलीको अवसरमा नेविसंघले चामल, तेल, दाल, नुन लगायतका खाद्यान्न सामग्री सहयोग गरेको नेविसंघ सुदूरपश्चिमाञ्चल क्याम्पसका सभापति गणेश शाहीले बताए। फाउन्डेसनले असहाय, सडक मानवहरुको उद्दार तथा संरक्षण दिदै आएको छ।
