बैतडी : बैतडीको पुर्चौडी नगरपालिकामा पहिरोले घर पुरिदा दुई जनाको ज्यान गएको छ । नगरपालिकाको २ को भैरु टोलमा घर पुरिदा २५ वर्षीय अञ्जु जागरी र उनका छोरा ५ वर्षीय रिजन जागरीको मृत्यु भएको हो ।
मृतक अञ्जुका श्रीमान् रोजगारीको सिलसिलामा भारतमा छन् । मृतक अञ्जुका सासुआमा ४५ वर्षीय राइमती र देवर १७ वर्षीय गोब्बर जागरी घाइते भएका छन् । सोही घरमा पाहुना बस्न आएकी छिमेकी ६० वर्षीय जस्मा बोहरा पनि घाइते भएको प्रहरीले जनाएको छ ।
पहिरोका कारण करिब एक दर्जन चौपाया समेत मरेका छन् भने घरमा पूर्ण क्षति पुगेको छ ।
