काठमाडौँ : प्रधानमन्त्री पुष्पकमल दाहाल, प्रचण्ड, नेकपा एमाले अध्यक्ष केपी शर्मा ओली र राष्ट्रिय स्वतन्त्र पार्टीका सभापति एवं उपप्रधान तथा गृहमन्त्री रवि लामिछानेबीच आज भेटवार्ता भएको छ ।
संसद्मा छलफल भइरहेको बजेट आगामी साता पारित गर्नेबारे तीन नेताबीच छलफल भएको प्रधानमन्त्रीको सचिवालयले जानकारी दिएको छ।
तीन नेताबीच जनमत र नागरिक उन्मुक्ति पार्टीलाई सरकारमा सहभागी गराउनेबारे पनि छलफल भएको बताइएको छ।
श्रोतका अनुसार राजदूत नियुक्तिका विषयमा पनि छलफल भएको बताइएको छ। छलफलले राजदूत नियुक्तिका विषयमा दलीय भागबण्डा बारे छलफल भएको र केही विषय टुंगो लागेको श्रोतको भनाइ छ।
