धनगढी : धनगढी उप–महानगरपालिकाको सहकार्यमा गो ड्रिमर्सद्वारा सञ्चालित ‘धनगढी ग्रास रुट क्रिकेट विकास कार्यक्रम’ अन्तरगत अभ्यास गरिरहेका खेलाडीहरूले गुरु पूर्णिमा मनाएका छन् । आइतबार ग्रास रुट क्रिकेट विकास कार्यक्रम अन्तरगत धनगढी वडा नं. १२ स्थित सिद्धनाथ मा.वि. जुगेडामा अभ्यासरत खेलाडीहरूले गुरु पूर्णिमा मनाएका हुन् ।
खेलाडीहरूले आफ्ना क्रिकेट प्रशिक्षक ज्ञानेन्द्र क्षेत्रीलाई सरप्राईज रूपमा केट काट्न लगाई पुष्प र अबिर लगाउँदै सम्मान भाव व्यक्त गरेका छन् । क्षेत्रीले उनीहरूलाई विगत ५ महिना देखी लगातार क्रिकेट खेल प्रशिक्षण गराउँदै आई रहेका छन् ।
क्षेत्रीले भने, ‘म निकै नै सरप्राईज भए आज खेलाडी नानी बाबुहरूले सदा झैँ प्रशिक्षणका लागि पुग्दा केक फुल माला, अबिर सहित सम्मान भाव प्रकट गरे माया र विश्वास दर्साए । यो क्षण निकै नै अविस्मरणीय रह्यो । सबैलाई सफल खेलाडी बनुन् भनी शुभकामना व्यक्त गर्दै धन्यवाद दिन चाहन्छु ।’
धनगढी उप–महानगरपालिकाको सहकार्यमा गो ड्रिमर्सद्वारा सञ्चालित ‘धनगढी ग्रास रुट क्रिकेट विकास कार्यक्रम’ धनगढी १८ फूलबारी र धनगढी १२ जुगेडामा २०८० माघ देखी निरन्तर सञ्चालनमा रहेको छ ।
