धनगढी : सुदूरपश्चिमका स्थानीय स्वाद र परिकारलाई आधुनिक शैलीमा प्रस्तुत गर्न ‘पोटली फुड्स’ धनगढीमा माघ १ गतेदेखि सञ्चालनमा आउने भएको छ। उपभोक्ताको स्वाद र स्वास्थ्यलाई प्राथमिकता दिँदै यस व्यवसायले कोदो, मकै, फापरजस्ता परिकार र दही, मोहीजस्ता परम्परागत वस्तुहरूलाई विशेष प्राथमिकतामा राखेर सेवा दिनेछ।
- पोटली फुड्सको विशेषता:
आधुनिक जीवनशैलीसँग मेल खाने गरी सुदूरपश्चिमको मौलिक खानालाई पुनर्जीवित गर्ने उद्देश्यले पोटली फुड्सले आफ्नो सेवा सुरु गर्दै छ। यहाँ स्थानीय रैथाने परिकारहरू आधुनिक प्रस्तुतिका साथ उपलब्ध गराइनेछ, जसले उपभोक्तालाई स्वाद र स्वास्थ्यको सन्तुलन प्रदान गर्नेछ।
- ‘पोटली’को अर्थ के हो?
डोटेली भाषाको ‘पोटली’ शब्द खाजा वा नास्ताका लागि प्रयोग गरिन्छ। सुदूरपश्चिमका सांस्कृतिक र भाषिक पहिचानलाई झल्काउन पोटली फुड्सले यो नाम अँगालेको हो। यसले क्षेत्रीय पहिचानसँगै स्थानीय खानाको प्रवर्द्धन गर्ने उद्देश्य राखेको छ।
सुदूरपश्चिमको मौलिक स्वादलाई विश्व स्तरीय बनाउने यो प्रयासले स्थानीय उत्पादन र संस्कृतिको जगेर्ना गर्न योगदान पुर्याउने विश्वास गरिएको छ। ‘पोटली फुड्स’ अब धनगढीका स्थानीयहरू र आगन्तुकहरूको लागि नयाँ गन्तव्य बन्ने आशा गरिएको छ।
