धनगढी । जिल्ला प्रशासन कार्यालय कैलालीले सार्वजनिक स्थानमा निषेधाज्ञा जारी गरेको छ । प्रमुख जिल्ला अधिकारी कृष्णप्रसाद लम्सालले स्थानीय प्रशासन ऐन २०२८ को दफा ६ को उपदफा-३ बमोजिम जिल्लाभर लागु हुुनेगरि शनिबार निषेधाज्ञा सम्बन्धी आदेश जारी गरेका हुन् ।
प्रजिअ लम्सालले जारी गरेको आदेशअनुसार संघ, प्रदेश तथा स्थानीय तहका विभिन्न कार्यालय भवन, सुुरक्षा निकाय कार्यालय र परिसर, अत्यावश्यक वस्तुु सेवा आपूर्तिका स्थलहरु, मठ, मन्दिर तथा मुख्य बजार केन्द्रहरुमा निषेधाज्ञा लागु हुने उल्लेख गरिएको छ ।
निषेधित क्षेत्रमा कुुनै प्रकारको हुुलदंगा, अशान्ति हुनगरि हातहतियार, घरेलु हतियार, लाठी जस्ता सामाग्री लिएर विरोध र्याली, सभा तथा जुलुस गर्न नपाउने ,कुुनै व्यक्ति वा राजनैतिक दलका पार्टी कार्यालयमा क्षति पुग्ने गतिविधि गर्न नपाउने, आम सर्वसाधारणको आवतजावतलाई अवरोध नगर्ने, जुलुस तथा सभामा बालबालिका प्रयोग गर्न नपाउने स्थानीय प्रशासनले जनाएको छ ।
निषेधाज्ञा_आदेश_४
