महेन्द्रनगर : कञ्चनपुरमा बाघको आक्रमणबाट मृत्यु भएकी महिलाका परिवारलाई आर्थिक सहयोग हस्तान्तरण गरिएको छ ।
गत वैशाख ८ गते बाघको आक्रमणबाट मृत्यु भएकी जिल्लाको बेलौरी नगरपालिका–८ पचुईकी ४२ वर्षीय गंगा चन्दको परिवारलाई राहत बापत १० लाख हस्तान्तरण गरिएको हो ।
प्रमुख जिल्ला अधिकारी गोपालप्रसाद अर्यालले मृतक चन्दको घरमै पुगेर उनका श्रीमान् डम्बर चन्दलाई राहत रकम हस्तान्तरण गरेका हुन् ।
वन्यजन्तुबाट हुने क्षतिको राहत सहयोग निर्देशिका बमोजिम नियमानुसार पाउने राहत रकम मृतका परिवारलाई हस्तान्तरण गरिएको डिभिजन वन कार्यालय कञ्चनपुरले जनाएको छ ।
