चितवनः चितवनको भरतपुरमा रहेको एपोलो पेन्टसको कार्यालयबाट ९७ लाख रकम चोरी गरेको आरोपमा सोही कम्पनीमा कार्यरत सुरक्षागार्डलाई प्रहरीले पक्राउ गरेको छ।
प्रहरीले कम्पनीको रकम चोरी गर्ने सुरक्षागार्ड चितवन कालिका नगरपालिका ६ बस्ने ४० बर्ष को कबिराज थापालाइ पक्राउ गरेको हो। थापाले गत कार्तिक आफैले काम गर्दै आएको भरतपुर महानगरपालिका ९ काँडाघारीमा रहेको एपोलो पेन्टस प्रालि कार्यालयको कोठा भित्र रहेको सेफ (लकर) फुटाइ नगद चोरी गरेको चितवन प्रहरीले जनाएको छ।
सोधपुछको क्रममा थापाले चोरी गरेको ९७ लाख रकम र चोरी गर्न प्रयोग गरिएको औजार समेत वरामद गरेको छ। पक्राउ परेका थापालाई चोरी कसुर अन्तरगत थप अनुसन्धान भइरहेको जिल्ला प्रहरी कार्यालय चितवनले जनाएको छ । -देशसञ्चारबाट
