पूर्व प्रधानमन्त्री एवं जनता समाजवादी पार्टीका संघीय परिषद् अध्यक्ष डा. बाबुराम भट्टराई र उनकी श्रीमती हिसिला यमी कोरोनामुक्त भएका छन् ।
उनले आइतबार कोरोना रिपोर्ट नेगेटिभ आएको ट्वीटरमार्फत जानकारी दिए । डा. भट्टराईले कोरोना भाइरसको महाव्याधिलाई एक्लाएक्लै जित्न सकिन्न नसकिने भन्दै सबैको समान प्रयास आवश्यक भएको समेत बताएका छन् ।
‘एक महिनापछि कोभिड–१९ सँग हामी दुबैले युद्धविराम गरियो र नेगेटिभ रिपोर्ट प्राप्त गरियो । यो युद्धविराम हो, विजय हैन । यो महाव्याधीलाई एक्लाएक्लै जित्न सकिन्न, मानवजातिले संयुक्त रुपमा जित्नु पर्छ । अतः सबैले नियमित सुरक्षा विधि जारी राखौँ । शुभकामना र विविध सहयोग गर्नुहुने सबैलाई मुरीमुरी धन्यवाद ।,’ भट्टराईले ट्वीटरमा लेखेका छन ।
भट्टराई दम्पतीलाई कार्तिक ७ गते कोरोना भाइरसको संक्रमण पुष्टि भएको थियो ।
