धनगढीः कैलालीको अत्तरियाबाट बेपत्ता भएका ४ बालक मध्ये २ बालक फेला परेका छन् । ती मध्ये २ को अवस्था भने अझै अज्ञात नै रहेको छ । आइतबार चारै जना घरबाट स्कुलका लागी हिँडेका थिए ।
उनीहरूमध्ये गोदावरी नगरपालिकाका दीपक साउद र प्रकाश साउद कञ्चनपुरमा फेला परेको प्रहरीले जनाएको छ । उनीहरूलाई मङ्गलवार महेन्द्रनगर बसपार्कमा फेला पारी परिवारको जिम्मा लगाएको जिल्ला प्रहरी कार्यालय कैलालीले जनाएको छ ।
त्यस्तै उनीहरूसँगै बेपत्ता भएका सोही ठाउँका पुष्कर भट्ट र दीपक बोहरा भने अझै अज्ञात नै रहेको हुँदा खोजी कार्य जारी रहेको प्रहरीले जनाएको छ ।
