नेपाल कम्युनिष्ट पार्टी (नेकपा)का सबै बैंक खाता रोक्का हुने भएको छ । पार्टी फूटेसँगै नेकपाको सम्पति रोक्का गर्न माग गर्दै पुष्पकमल दाहाल प्रचण्ड र माधवकुमार नेपालले सबै बैंकहरुलाई पत्राचार गरेका थिए ।
राष्ट्र बैंकले निर्वाचन आयोग वा अदालतको आधिकारिक निर्णय नआएसम्मका लागि नेकपाको नाममा रहेको सबै बैंक खाता रोक्का गर्न निर्देशन दिएको छ ।
स्रोतकाअनुसार आज कार्यालय समयभन्दा पछि जानकारी आएकाले राष्ट्र बैंकले भोली सबै बैंकहरुलाई औपचारिक रुपमा निर्देशन दिनेछ ।
हाल नेकपा केपी ओली समूह र प्रचण्ड–नेपाल समूहमा विभाजित भएको छ । दुवै पक्षका नेताहरुले नेकपा आफ्नो पार्टीको भएको दाबी गर्दै आइरहेका छन् । तर, निर्वाचन आयोगले बहुमतको पक्षमा अन्तिम फैसला गर्न भने बाँकी छ ।
