धनगढीः नेकपा प्रचण्ड–नेपाल पक्षले गरेको आमहड्ताल बन्दको विरोधमा धनगढीमा ओली पक्ष पनि सडकमा आएको छ । धनगढी चौराहामा बन्दको विरोध गर्दै ओली पक्षीय नेता तथा कार्यकर्ताहरू सडकमा उत्रिएका हुन् ।
उनीहरूले बन्दको विरोध गर्दै, बन्द गर्न पाइँदैन, बन्दले देश बन्दैन, षडयन्त्रकारी मुर्दावाद, प्रचण्ड माकुने मुर्दावाद लगायतका नारा सहित प्रदर्शन गरेका छन् ।
प्रहरी र बन्दकर्ताबीच धनगढीको ट्राफिक चौराहामा हात हालाहालको स्थिति सिर्जना भएको केही बेरपछि ओली समूहले सोही ठाउँमा बन्दको विरोध गर्दै प्रदर्शन र नाराबाजी गरेको हो ।
