बैतडीः बलात्कार पछि हत्या गरिएकी बैतडी दोगडाकेदार गाउँपालिका ७ चडेपानीकी १७ वर्षीया भागीरथी भट्टको परिवारलाई सुदूरपश्चिम समाज दक्षिण कोरियाले दुई लाख ८३ हजार रुपैयाँ सहयोग गरेको छ ।
सुदूरपश्चिम समाज दक्षिण कोरियाका तर्फबाट संकलित रकम समाजका पूर्व अध्यक्ष नर बहादुर साकी, धर्मराज जोशी, पूर्व सचिव सुरेन्द्र भण्डारी,पूर्व कोषाध्यक्ष नवराज भट्ट र वर्तमान कोषाध्यक्ष डी आर पनेरु आज घरमै गएर स्वर्गीय भागीरथी भट्टकी आमालाई हस्तान्तरण गरे ।
भागरथी भट्टको परिवारको सहयोगको लागि समाजका निवर्तमान अध्यक्ष लाल बहादुर साउदको संयोजकत्वमा दक्षिण कोरियामा आर्थिक सहयोग अभियान सञ्चालन गरेको थियो ।
