धनगढी: कञ्चनपुरमा बेवारिसे अवस्थामा रहेको कार र मोटरसाइकल बरामद गरिएको छ।
प्रहरीले जिल्लाको भीमदत्त नगरपालिका–३ स्थित आवश्यक कागजात नभएका तथा बेवारिसे अवस्थामा फेला परेका भारतीय नम्बर प्लेटको कार र मोटरसाइकल बरामद गरेको हो।
करिब ३ लाख २५ हजार मूल्य बराबरको डीएल २ सीएएल ८८२३ नम्बरको कार र नम्बर प्लेट नभएको मोटरसाइकल बरामद गरी आवश्यक कारवाहीका लागि गड्डाचौकी भन्सार कार्यालय पठाइएको जिल्ला प्रहरी कार्यालय कञ्चनपुरका प्रहरी निरीक्षक लालबहादुर बमले बताए।
