अत्तरिया: कैलालीको अत्तरियामा रहेको क्युरिक्स डान्स स्टुडियो नयाँ व्यवस्थापनका साथ सञ्चालनमा आएको छ ।
विगत ९ वर्ष देखी गोदावरी नगरपालिका – २ बनखेतमा सञ्चालीत उक्त डान्स स्टुडियो नयाँ व्यवस्थापनका साथ अत्तरिया बजारमै सञ्चालनमा आएको हो ।
स्थानिय हरिश खडायतले सञ्चालनमा ल्याएको उक्त स्टुडियोको शनिबार खडायतका बुवा जित बहादुर खडायतले उद्घाटन गरे । उक्त स्टुडियोले विभिन्न किसिमका नृत्यहरु सिकाउने सञ्चालक खडायतले बताए ।
उनले नयाँ व्यवस्थापनका साथ सञ्चालनमा आएको स्टुडियोमा पहिलो हप्तासम्म निःशुल्क भर्नाको समेत व्यवस्था गरिएको बताए । करिब साढे ३ लाखको लागतमा सञ्चालनमा ल्याईएको उक्त स्टुडियोमा जुम्बा क्लासको पनि व्यवस्था गरिएको उनले बताए ।
विगत देखी नै सञ्चालनमा रहेको उक्त स्टुडियो देशभर फैलिएको कोरोना महामारीका कारण बन्द अवस्थामा रहेको थियो । महामारी पश्चात स्टुडियोलाई नयाँ व्यवस्थापनका साथ सञ्चालनमा ल्याएको खडायतले बताए ।
