धनगढीः कैलालीमा अवैधरुपमा बालुवा उत्खनन् गर्ने ५ वटा ट्याक्टर कारबाहीमा परेका छन्।
बुधबार करीब २ बजे गोदावरी नगरपालिका वडा नम्बर ५ खुटिया नदिबाट अवैधरुपमा बालुवा उत्खनन् गरी ल्याउदै गरेका ५ वटा ट्याक्टर कारबाहीमा परेका हुन्।
से १ त ४७९९ , से १ त ३७६८ , से १ त ९८८२ , से १ त ६०६१ र भे १ त ४५६२ नम्बरको ट्याक्टरलाई जिल्ला प्रहरी कार्यालयको टोलीले धनगढी उप–महानगरपालिका वडा नम्बर ७ जोखर ताल एरियामा फेला पारेको प्रहरीले जनाएको छ।
उनीहरुलाई धनगढी उप–महानगरपालिकाको कार्यालयबाट जनही प्रति ट्याक्टर १ हजारका दरले राजश्व जरिवाना काट्न लगाई सम्झाई बुझाई छोडिए प्रहरीले बताएको छ।
