धनगढी: साउन २३ गते शनिवार धनगढी-गोदावरी साइकल र्याली २०७८ हुने भएको छ । आरडि कालिका सप्लायर्स प्रालि धनगढीको आयोजनामा हुन लागेको शुक्रवार धनगढीमा पत्रकार सम्मेलनको आयोजना गरी जानकारी दिएको हो ।
स्वास्थ्य जीवन वातावरण संरक्षण तथा प्रवद्धृनका लागि साईक्लिङ्ग भन्ने नाराका साथ साइकल र्यालीको आयोजना हुन लागेको हो । सो कार्यक्रमलाई प्रीत ट्याक्टर सुदूरपश्चिम प्रदेश धनगढीले प्रायोजन गरेको छ भने फारवेस्र्टन राईडर्स क्लब एवं धनगढी उपमहानगरपालिकाको सहयोग र समन्वयमा साइकल-याली हुन लागेको आयोजकले जनाएको छ ।
फारवेस्र्टन राईडर्स क्लबका अध्यक्ष भरत शाहका अनुसार शनिवार बिहान ७ बजे धनगढीको चौराहाबाट सुरु भएर गोदावरी पुग्ने जनाएको छ । त्यहाँ पुगेपछि गोदावरी क्षेत्रको सरसफाइ गर्ने कार्यक्रम समेत तय भएको उनले बताए ।
पछिल्लो पटक पर्यटकको सङ्ख्यामा वृद्धि भएसँगै गोदावरी क्षेत्रको पिकनिक स्पट फोहोर भएकोले पनि सरसफाइ गर्ने कार्यतालिका रहेको जनाएको छ । सो साइकल र्यालीमा विश्व साइकल यात्री पुष्कर शाह,ओलम्पियन दीपक विष्टको समेत सहभागिता रहने जनाएको छ ।
