धनगढी: नेपाल फोटो पत्रकार महासंघ कैलालीको मङ्गलवार बसेको बैठकले दुई जना नयाँ सदस्य मनोनीत गरेको छ । महासङ्घका अध्यक्ष पाण्डव पुजाराको अध्यक्षतामा बसेको बैठकले पत्रकार झलक दवाडी र अनिल पन्त लाई सदस्यमा मनोनीत गरेको हो ।
सदस्यमा मनोनीत दवाडी फूलबारी खबरका सह सम्पादक हुन भने पन्त टिभी टुँडे सुदूरपश्चिम प्रदेश ब्युरो संयोजकका रूपमा काम गर्दै आएका छन् ।
यस्तै महासंघको आज बसेको बैठकले फोटो पत्रकारहरूलाई तालिमको व्यवस्था गर्ने, कैलाली जिल्लामा बृहत् फोटो प्रदर्शनी गर्ने लगायतका निर्णय गरेको छ । बैठकमा फोटो पत्रकार महासङ्घका सल्लाहकार तथा प्रेस युनियन कैलालीका अध्यक्ष श्रवण देउवा र पत्रकार महासंघ बझाङका सचिव ललित सिंहको उपस्थिति रहेको थियो ।
