धनगढीः कैलालीको मोटरसाइकल दुर्घटना हुँदा दुई जना घाइते भएका छन्। जिल्लाको धनगढीको मुख्य सडकअन्तर्गत लक्ष्मीनारायण चोक नजिक से ६ प ५४९८ नम्बरको मोटरसाइकल दुर्घटना हुँदा दुई जना घाइते भएका हुन्।
जिल्ला प्रहरी कार्यालय कैलालीका अनुसार मोटरसाइकल चालक दिनेश राना र मोटरसाइकलमा सवार कञ्चनपुरको बेलौरी नगरपालिका वडा नम्बर ४ का १८ वर्षीय विकाश राना घाइते भएका हुन्।
घाइतेहरूको सेती प्रादेशिक अस्पतालमा उपचार भइरहेको जिल्ला प्रहरी कार्यालय कैलालीका प्रहरी नायब उपरीक्षक प्रतीक विष्टले जानकारी दिए।
