धनगढी : धनगढी स्थित निसर्ग हस्पिटलमा रहेको ग्लोबल आईएमइ बैंकको एटिएममा दोस्रो पटक तोडफोडको प्रयास गरिएको छ ।
बिहीबार राति करिब १०:१५ को समयमा उक्त एटिएममा तोडफोड को प्रयास गरिएको हो ।
निसर्ग हस्पिटलमा बिरामीको आफन्त बनी बिरामी भेट्न आएका कञ्चनपुरको बेलौरी नगरपालिका व.डा न १ बस्ने धन ब शाहीका छोरा वर्ष २१ का भूपेन्द्र शाहीलाई एटिएम तोडफोड गरिरहेको अवस्थामा हस्पिटलको सेक्युरिटी गार्डको टोलीले रङ्गे हात पक्राउ गरी प्रहरीको जिम्मा लगाएको थियो ।
उनले मदिरा सेवन गरी आएको र हस्पिटल का स्टाफ हरू माथि समेत दुर्व्यवहार गरेको बताइएको छ ।
पक्राउ परेका शाहीबाट ४ हजार ६ सय २० नेपाली रुपैयाँ बरामद गरिएको छ । भने घटनाको थप अनुसन्धानको लागि शाहीलाई वडा प्रहरी कार्यालय धनगढी बाट खटिआएको प्रहरी इन्स्पेक्टरको टोलीले नियन्त्रणमा लिएको छ ।
त्यस्तै, केही दिनअगाडि मात्रै सोही एटिएममा राति १०:१५ कै समयमा चम्चा र डाडु प्रयोग गरी तोडफोडको प्रयास भएको हस्पिटल प्रशासनले जनाएको छ ।
