कञ्चनपुर : महाकाली नदीमा फसेका कञ्चनपुरको भीमदत्त नगरपालिका–९ मुसेट्टिका पाँच जनाको उद्दारका गरिएको छ । सुर्खेतबाट आएको सेनाको पश्चिम कमाण्ड हेलिकप्टरले प्रतिकुल मौसमका कारण पनि उद्धार गरेको हो ।
मंगलबार साझँ ६ बजेतिर उनिहरुको सकुशत उद्धार गरिएको जिल्ला प्रशासन कार्यालय कञ्चनपुरले जनाएको छ ।
कुखुरा फार्ममा कुरुवा बस्न गएका भीमदत्त नगरपालिका ९ मुसेट्टिका एकै परिवारका ५ जना हिजो राति देखि फसेका थिए । महाकाली नदी र खहरे खोलामा बाढी आउँदा मुसेट्टिका ४५ वर्षीया दीर्घमती खड्का, ३५ वर्षीय पुष्कर नायक, ३२ वर्षीया शान्ती नायक,९ वर्षीय अशोक नायक र पाँच वर्षीय अजय नायक टापुमा फसेका थिए ।
