धनगढी : सुदूरपश्चिम प्रदेशका नवनियुक्त प्रदेश प्रमुख देवराज जोशीले पदभार ग्रहण गर्नुभएको छ ।
कात्तिक २३ गते प्रदेश प्रमुखमा नियुक्त हुनुभएका जोशीले शुक्रबार पदभार ग्रहण गर्नुभएको हो । उहाँलाई नेपाली सेनाको एक टुकडीले सलामी दिएको थियो ।
पदभार ग्रहण गर्नुहुँदै उहाँले संविधानले दिएको कार्यदिशाअनुसार काम गर्ने प्रतिवद्धता व्यक्त गर्नुभयो । उहाँले प्रदेशको गरिमा उच्च पार्नेगरी काम गर्न सरकारलाई घच्घच्याउने र संविधान विपरीत काम गर्न नदिने बताउनुभयो ।
सरकारले यसअघिका प्रदेश प्रमुख गंगाप्रसाद यादवलाई हटाएर जोशीलाई नियुक्त गरेको हो । सरकारले एकैपटक तीनवटा प्रदेशका प्रदेश प्रमुख फेरेको थियो । भने जोशी सुदूरपश्चिमका लागि उनी चौथो प्रदेश प्रमुख हुन् ।
