काठमाडौं : पूर्वराजा ज्ञानेन्द्र शाह पृथ्वीजयन्तीका अवसरमा भोलि पृथ्वीनारायण शाहको शालिकमा माल्यार्पण गर्न सिंहदरबार जाने भएका छन् ।
पहिलोपटक सिंहदरबारको मुल गेटअघि रहेको पृथ्वीनारायण शाहको शालिकमा ज्ञानेन्द्रले माल्यार्पण गर्न लागेका हुन् ।
पूर्वराजाका संवाद सचिव फणिराज पाठकका अनुसार भोलि मध्यान्ह साढे १२ बजे पूर्वराजा सिंहदरबारअगाडि पुग्ने कार्यक्रम छ ।
भोलि पृथ्वीनारायाण शाहको ३००औं जन्मजयन्ती मनाइँदै छ । सरकारले पृथ्वीजयन्तीमा अहिलेसम्म सार्वजनिक बिदाको घोषणा गरेको छैन ।
