बैतडी : बैतडीमा एक कार्यालयका कर्मचारी मृत फेला परेका छन । विद्युत वितरण केन्द्र बैतडीमा कार्यरत एक कर्मचारी मृत अवस्थामा फेला परेका हुन्।
विधुत वितरण केन्द्र बैतडीमा कार्यरत ४५ वर्षिय मान सिंह रावतको शव देहिमाडौं २ मा घर नजिकै मृत भेटिएका हुन्। जिल्ला प्रहरी कार्यालयका प्रहरी प्रबक्ता एबम प्रहरी निरिक्षक दर्शन खडकाले रावत शुक्रबार साँझ फेला परेको बताए।
मृतक रावतको शव अहिले पोस्टमार्टमका लागि जिल्ला अस्पताल बैतडीमा राखिएको छ । रावतको मृत्यु बारेको कारण खुल्न सकेको छैन । उनको हत्या भएको हुन सक्ने आशंका गरिएको छ। घटना सम्बन्धमा थप अनुसन्धान भइरहेको प्रहरीले जनाएको छ।
