धनगढी : राष्ट्रिय खेलकुद परिषद्का कार्यकारी सदस्य सचिव तथा एनआरएनए स्पोर्टस एकेडेमीका सल्लाहकार एकेन्द्र कुँवरले व्यक्तिगत सहयोगमा खेलकुदका सामाग्री सहयोग हस्तान्तरण गरेका छन् ।
सोमबार धनगढीमा राखेपका कार्यकारी सदस्य सचिव कुवरले खप्तड गोल्ड कप र फार्वष्ट पशुपति युवा कपलाई खेलकुदका सामाग्री सहयोग गरेका हुन् ।
खेल प्रेमी समेत रहेका राखेपका कार्यकारी सदस्य सचिव कुवरले खेल क्षेत्रमा युवालाई प्रेरित गर्न उद्देश्यले खप्तड गोल्ड कपलाई १५ थान फुटबल, ३ थान नेट,१५ थान झण्डा, ६० वटा कक्स र डिजिटल बोर्ड सहयोग हस्तान्तरण गरेका छन् ।
यस्तै फारवेष्ट पशुपति कपलाई १२ थान फुटबल, ३ थान नेट र डिजिटल बोर्ड सहयोग गरिएको राखेपका कार्यकारी सदस्य सचिव कुवरले जानकारी दिए ।
खेलाडीहरूलाई खेल प्रशिक्षण गर्न खेल सामाग्रीको अभाव नहोस् भन्दै आफ्नो व्यक्तिगत खर्चमा क्लबहरूलाई खेल सामाग्री सहयोग गरेको उनले बताए । भोलि खेल क्षेत्रमा भए या नभए पनि खेलकुद क्षेत्रमा व्यक्तिगत रुपम सहयोग गर्ने प्रतिबद्धता जनाए ।
यस्तै आफूले राखेपबाट खप्तड गोल्ड कपलाई १० लाख र फारवेष्ट पशुपति कपलाई ३ लाख रकम उपलब्ध गराउने निर्णय गराएको उनले जानकारी दिए ।
