धनगढी : कैलालीमा एक जना प्रहरी जवानले आफैमाथि गोली प्रहार गरेका छन् ।
प्रहरी चौकी कालाकुण्डामा कार्यरत प्रहरी जवान झंकर बोहराले ड्युटीमा रहेका बेला शनिबार राति आफैंमाथि गोली चलाएको जिल्ला प्रहरी कार्यालय कैलालीले जनाएको छ ।
डिउटीमै रहेका बेला उनले रातको करिव १ बजेको समयमा आफैले आफैमाथि बन्दुक ताकेको बताइएको छ । उनको चिउडोमा गोली लागेर घाइते भएका छन् ।
उनलाई उपचारका लागि प्रहरी अस्पताल काठमाडौं पठाइएको प्रहरीले जनाएको छ । उनी खतरामुक्त रहेको बताइएको छ ।
