धनगढी : चुनाव जित्नका लागी बेहडाबाबामा कसम खाएर मात्रै नपुग्ने भन्दै धनगढी १६ रामपुरका ६३ वर्षिय कृष्णराज कंडेलले यसपाली एमालेको जित निश्चित भएको बताएका छन ।
मतदान गर्ने दिन नजिकिदै गर्दा चुनावी प्रचारप्रसारमा रहेका धनगढी उपमहानगरपालिकाका नगरप्रमुख पदका उम्मेदवार रण बहादुर चन्दलाई आशीर्वाद दिदै कंडेलले बेहडाबाबा दाहिने भएको प्रतिक्रिया दिए । ‘चुनाव जित्नका लागी कसम खाएर मात्रै पुग्दैन’, उनले भने, ‘इश्वर दाहिने हुनुपर्छ । तपाईं ढुक्क हुनुस बेहडाबाबा तपाईको दाहिने छन ।’
त्यस्तै कंडेलले आफ्नो टोलमा अव्यवस्थित नालाको कारणले समस्या भोग्नुपरेको दुखेसो समेत मेयर पदका उम्मेदवार चन्द समक्ष व्यक्त गरेका छन । उक्त क्षेत्रको स्थलगत अवलोकन गर्दै चन्दले पनि नगरप्रमुखमा जित हासिल गरे आफ्नो कार्यकालमा उक्त समस्या समाधान गर्ने प्रतिबद्धता व्यक्त गरेका छन ।
