धनगढी : सत्तारुढ गठबन्धन दल नेकपा (माओवादी केन्द्र) ले कैलालीमा वडा अध्यक्षमा दुई सिट जितेको छ ।
सो पार्टीले बर्दगोरिया गाउँपालिका–६ र टीकापुर नगरपालिका–९ मा वडा अध्यक्षमा जित हासिल गरेको हो । बर्दगोरिया–६ मा माओवादी केन्द्रका रामकृष्ण डङ्गौरा थारु वडा अध्यक्षमा निर्वाचित भएका छन् ।
यसैगरी, टीकापुर–९ मा सो पार्टीले प्यानलसहित वडा अध्यक्षमा जित हासिल गरेको छ । सत्तारुढ गठबन्धन दल नेकपा (एकीकृत समाजवादी) ले भने यो जिल्लाको वडामा अझै खाता खोल्न सकेको छैन ।
