दार्चुला : दार्चुलामा ठुलो जनधनको क्षति गरेको भएको छ । शुक्रवार रातिबाट भइरहेको भारी वर्षाका कारण जिल्लाको नौगाड गाउँपालिकामा पहिरोमा दुई जनाको मृत्यु भएको छ।
नौगाड गाउँपालिका–१ सल्लामा पहिरोमा परि ३० वर्षीय किम्ती ठगुन्नाको र सोही ठाउँकी अन्दाजी १३-१४ वर्षीय मदे ठगुन्नाको मृत्यु भएको छ ।
पहिरोले ७/८ ओटा घर पुरेकाले क्षतिको विवरण आउन बाँकी रहेको छ । लगातारको वर्षाले उद्धार कार्यमा समेत कठिनाइ भएको स्थानीयहरूले बताएका छन् । अहिले पनि पहिरो खस्ने क्रम जारी रहेको छ ।
यता, दार्चुला सदरमुकाम खलङ्गाको बंगाबगड क्षेत्रमा आएको बाढीले ठुलो क्षति पुर्याएको छ। स्थानीयका अनुसार करिब डेढ दर्जन घरहरू बगेका छन्।
