धनगढी : एभिन्युज टेलिभिजन सुदूरपश्चिम ब्युरो प्रमुख हरिश बिक सम्मानित भएका छन् । बिहीबार रोटरी इन्टरनेशनल डिस्टिरिक ३२९२ नेपाल-भुटानले काठमाडौँको होटेल हयात प्लेसमा आयोजित कार्यक्रममा पत्रकार बिकलाइ सम्मान गरेको हो ।
उनी रोटरी जोर्नो अवार्ड बाट सम्मानित भएका हुन । लामो समयदेखि जनताको पक्षका सक्रिय रूपमा कलम चलाउँदै आएको भन्दै कार्यक्रमका प्रमुख अतिथि अनि रुद्र रोयचौधरीले उनलाई केही नगद तथा प्रमाणपत्र सहित दोसल्ला ओढाएर सम्मान गरेका हुन ।
झन्डै डेढ दशक देखि सक्रिय पत्रकारिता गर्दै आएका बिक प्रिर्न्ट मिडिया हुँदै एभिन्युज टेलिभिजन , न्युज २४ टिभीमा लामो समय काम गरेको अनुभव रहेको छ । विगत १२ वर्ष देखि अभिन्युजमा काम गर्दै आइरहेका उनी हाल एभिन्युज टेलिभिजनको सुदूरपश्चिम ब्युरो प्रमुखको जिम्मेवारी समाल्दै आइरहेका छन् । सामाजिक क्षेत्रमा पुर्याएको योगदानको उच्च मूल्याङ्कन गर्दै यस अघि समेत पत्रकार बिक पटक पटक सम्मानित हुँदै आएका छन् ।
