धनगढी : कैलालीको धनगढीमा मोटरसाइकल दुर्घटना हुँदा १ जनाको मृत्यु भएको छ ।
शुक्रबार बिहान धनगढी उपमहानगरपालिका – १३ कैलालीगाँउ जाने भित्री सडकमा मोटरसाइकल दुर्घटना हुँदा स्थानीय ३१ बर्षीय दुर्गा ओझाको मृत्यु भएको हो ।
उनले आफैले चलाएको से ६ प ३९३६ नम्बरको मोटरसाइकल नालामा पल्टेको अवस्थामा उनलाई उपचारका लागि माया मेट्रो अस्पतालमा लगिएको भएपनि डाक्टरले उनलाई मृत घोषणा गरेको जिल्ला प्रहरी कार्यालय कैलालीले जनाएको छ ।
