धनगढी : प्याब्सन धनगढीको आयोजनामा फागुन ६ गतेदेखि छैटौँ प्याब्सन धनगढी फेस्टिबल तथा चौथो प्याब्सन क्रिकेट कप हुने भएको छ । आज आयोजक प्याब्सन धनगढीमा पत्रकार सम्मेलनको आयोजना गर्दै सो बारे जानकारी दिएको हो ।
फागुन १४ गते सम्म सञ्चालन हुने सो प्रतियोगितामा ३२ वटा विद्यालयको सहभागिता रहने आयोजकले जनाउको छ ।
धनगढीमा क्रिकेट तथा खेलकुदको चहलपहल बढाउने, यहाँका क्रिकेट खेलाडी र अन्य खेलाडीलाई खेलप्रति उत्प्रेरित गराउने उद्देश्यले सो प्रतियोगिताको आयोजना गरिन लागेको प्याब्सन धनगढीले जनाउको छ । प्रतियोगिताको विजेताले एक लाख एक हजार एक सय एघार र द्वितीय पुरस्कार ५१ हजार एक सय एघार रहेको छ ।
