बेलायतका पूर्वप्रधानमन्त्री बोरिस जोन्सनले सांसद पदबाट राजीनामा दिएका छन् । कोरोना महामारीको पहिलो लहरताका उनले सरकारी नियम उल्लंघन गर्दै प्रधानमन्त्रीको सरकारी निवासमा भव्य भोज गरेका थिए । सोही विषयमा संसदले छानबिन अघि बढाउँदै गर्दा एकाएक राजीनामा दिएका हुन् ।
उनीमाथि कोरोना महामारीमा लगाइएको लकडाउनको नियम उल्लंघन गरेको र सदनलाई ढाँटेको आरोप छ । सोही आरोपमा संसदीय छानबिन भइरहेको छ । छानबिन नसकिँदै उनले राजीनामा दिएका हुन् ।
गत वर्ष जोन्सनले राजीनामा दिएपछि बेलायतमा उनकै कन्जरभेटिभ पार्टीकी लिज ट्रस छोटो समयमको लागि प्रधानमन्त्री बनेकी थिइन् । त्यसपछि ऋषि सुनक प्रधानमन्त्री छन् । सुनक पनि कन्जरभेटिम पार्टीकै हुन् ।
