धनगढी : ‘मृत्युको विकल्प खोजौँ, दुःखको सामना गर्न सिकौँ’ भन्ने सन्देश बोकी ‘दुःखभित्रको खुसी’ सार्वजनिक भएको छ। बुधवार कास्पर प्रोडक्सन युट्युब च्यानल बाट सार्वजनिक गरिएको हो ।
पर्यटन प्रवर्द्धन एवं सामाजिक कार्यमा सक्रिय सुदूरका साइकल यात्री भरत विक्रम शाह (फारवेस्टर्न राइडर) को र सुनिता चौधरीको मुख्य अभिनयीय भूमिका रहेको छ ।
आत्महत्या गर्नुहुँदैन भन्ने सन्देश बोकेको उक्त सङ्गीत भिडियोमा गीतमा सुशील गर्तौला र सज्जा चौलागाइँको स्वर रहेको छ । भने कृष्ण ज्ञवालीको शब्द सिर्जना रहेको छ।
यस्तै, चन्द सिंहले सङ्गीत संयोजन गरेको उक्त गीतको चन्द्र चौधरीले मिस्किङ गरेका छन् भने गीतको भिडियो छायाङ्कन सतिस सिन्हाले र मासुम विष्टले गरेका छन्।
गीतले जीवनमा जतिसुकै अप्ठ्यारा परिस्थिति आए पनि आत्महत्या समस्याको समाधान नभएको तथा जस्तो सुकै अप्ठ्यारो परिस्थिति भए पनि हार मान्नु हुँदैन, दु:ख भित्र खुसी खुसी खोज्ने प्रयास गर्नु पर्ने र खुशी मिल्छ भन्ने सन्देश दिन खोजेको शाहले जानकारी दिएका छ्न ।
