काठमाडौं : लोकप्रिय गायिका रेश्मा सुनुवारको नयाँ गीत ‘पिरतीको झोली’ सार्वजनिक भएको छ । मनोरमा सुनुवार र रवि मल्लको शब्द, कल्याण सिंहको संगीत रहेको गीतमा दिक्षीत पौडेलको एरेन्ज रहेको छ ।
गीतको भिडियोमा पछिल्लो समयमा आफ्नो काम मार्फत धेरैको मन जितेर अगाडि बढिरहेकी मोडल आभा र बिकास लामिछाने र आभा थापाको अभिनय देख्न सकिन्छ ।
गणेश शाहीको निर्देशनमा बनेको भिडियोमा बिशाल थापाको सिनेमाटोग्राफी र दिन्सन शाहको सम्पादन रहेको छ ।
गायिका रेश्मा सुनुवारका ‘क्या मिठो गीत’, ‘मै ठूली भईछु रे ’, ‘हुरी आयो’, ‘मलाई कस्तो देख्छ’, ‘ओई नक्कले’ ‘राधा तिमी’ लगायत गीतहरु चर्चामा छन् ।
