धनगढी : धनगढी उप-महानगरपालिकाले नवजीवन अस्पताल प्रा. लि. लाई पत्र लेख्दै आमा तथा नवजात शिशु सुरक्षा कार्यक्रम निर्देशिका–२०७८ को पालना गर्न सचेत गराएको छ ।
अस्पतालले सेवाग्राही महिलाबाट प्रयोगशाला जाँच, औषधी, उपकरण र सामानको शुल्क लिएको गुनासो आएपछि निर्देशिकाअनुसार आमा तथा नवजात शिशु उपचार सेवा निःशुल्क गर्न भन्दै उपमहानगरपालिकाले मङ्गलवार पत्र काटेको हो ।
उपमहानगरले लक्षित सेवा लिन आउने सेवाग्राहीबाट तोकिएको सेवा प्रदान गरेवाफत शुल्क लिएमा आमा तथा नवजात शिशु सुरक्षा कार्यक्रम, २०७८ को दफा १५ को (२) बमोजिम कारबाही गरिने समेत जनाएको छ ।
