गायक प्रमोद खरेलको स्वरमा रहेको नयाँ गीत ‘चोट ’को भिडियो सार्वजनिक भएको छ । गौरव गिरी र एल.पी शर्माको शब्द तथा रोहित देउवाको संगीतमा रहेको यो गीत फरक शैलीमा छ ।
गौरव गिरीको निर्देशनमा बनेको भिडियोमा अभिनेता एल पी शर्मा , उषा उप्रेती, भद्र जङ्ग कुवर लगायतको अभिनय रहेको छ । भिडियोमा एउटा गाँउ बाट शहरमा आएको केटीको आफूलाई मन पर्ने कलाकार सँग भेट हुन्छ र भेट भइसकेपछि एक अर्का सँग प्रेम हुन्छ तर त्यो प्रेमलाई केटीले गरेको जाल झेल र त्यही प्रेमको चोट को कथा बस्तु देख्न सकिन्छ ।
भिडियोका छायाँकार वसन्त कुँवर हुन् भने कलर श्याम कुँवरले गरेका छन् । यो गीत ‘रिदम भीड ’ नामक यूट्युब च्यानल मार्फत सार्वजनिक गरिएको छ ।
