एजेन्सी । बदाम मानसिक तथा शारीरिक दुवै स्वास्थ्यका लागि एकदमै राम्रो मानिन्छ । यसमा आइरन, पोटाशियम, भिटामिन्सहरु प्रसस्त मात्रामा पाइन्छ । यसले शरीरलाई पोषण दिनुका साथै ऊर्जा पनि दिने गर्छ ।
महिलाहरुलाई महिनावारीको बेला पेट दुखेमा, कब्जियत, पेटका अन्य समस्यामा पनि यसको सेवन गर्नु फाइदाजनक मानिन्छ ।
बदामले मुटु स्वस्थ राख्छ, रक्तचाप तथा कोलेस्ट्रोल पनि बढ्दैन । यदी तपाईंले बदाम नियमित खानुभएको छैन शुरु गर्न चाहनुहुन्छ भने शुरुआतका दिनमा दुई तीनवटा बदाम पानीमा भिजाएर खानुहोस् । यदी तपाईंको पाचन प्रक्रिया सही हुन्छ भने ८–१० दिनपछि दैनिक ५–६ वटा बदाम खान शुरु गर्नुहोस् ।
यदी तपाईंको पाचन प्रक्रिया राम्रो छ, बदाम खाँदा फाइदा भइरहेको छ भने तपाईं १० देखि १२ वटा बदाम दैनिक रुपमा खान सक्नुहुन्छ । त्यस्तो त शारीरिक अवस्थाअनुसार दैनिक २० वटा सम्म बदाम पनि शरीरले पचाउन सक्ने स्वास्थ्य विशेषज्ञहरुको भनाई छ ।
