काठमाडौँ : लोकप्रिय गायिका अन्जु पन्त र गायक प्रताप दास स्वर बद्ध नयाँ गीति भिडियो ‘बादल भित्र ‘ सार्वजनिक भएको छ । सोमबार युट्युबमार्फत वर्ल्ड प्रिमियर गरिएको गीतले रोमान्टिक प्रेमको कथा बोल्छ ।
विष्णु भण्डारीको शब्द रचना रहेको गीतमा पछिल्लो पुस्ताका लोकप्रिय सङ्गीतकार अर्जुन पोखरेलले सङ्गीत भरेका छन् । एरेञ्जको काम कुशल सिंहको छ भने मिक्सिङ तथा मास्टरिङ नरेश बिबिसीले गरेका छन् ।
मोडल द्वय दिनेश विष्ट हीर शाहीको जीवन्त अभिनय भिडियोमा देख्न सकिन्छ ।
विक्रम चौहानले निर्देशन गरेको भिडियोमा पोखरा ढोर पाटन बाग्लुङ लगायत आसपासका रमणीय दृश्यलाई सुन्दर तरिकाले कैद गरिएको छ ।
छायाङ्कन प्रकाश खड्काको रहँदा मेकअपमा कविता टोलङ्गी र अस्मिता शाही छिन् । सम्पादन र कलरमा क्रमशः लक्ष्मण चौहान र मिलान विश्वकर्माले गरेका छन् ।
यसअघि ‘मायाको खेलाइमा, हाँसाहाँसी, राजरानी’ जस्ता लोकप्रिय गीतहरूमा अभिनय गर्दै दर्शकहरूको मन जितेका मोडल विष्ट एक पछि अर्को गीतमा पनि फिट देखिएका छन् । फरक विधाका कथावस्तुमा अभिनयमा रुचि राख्ने दिनेश यथार्थपरक अभिनयमा आफ्नो ध्यान रहने बताउँछन् ।
