धनगढी: नयाँ वर्ष, विक्रम संवत् २०८१ को पहिलो दिन आज शनिवार धनगढीमा २५ जनाले रक्तदान अर्थात् जीवन दान गरेका छन् । नेपाल रेडक्रस सोसाइटिको सहयोगमा धनगढी स्थित ईन्टरनेस्नल करियर काउन्सीलिङ्ग सेन्टर (आइसिसी) ले आयोजना गरेको रक्तदान कार्यक्रममा २५ पिन्ट रगत सङ्कलन भएको हो ।
आज नयाँ वर्षको उपलक्षमा आफ्ना देशैभरका शाखाहरूमा रक्तदान कार्यक्रमको आयोजना गरेको आइसिसीले प्रधान कार्यालय काठमाडौँमा भएको रक्तदान कार्यक्रमबाट ७५ पिन्ट रगत सङ्कलन भएको जनाएको छ ।
नेपालीहरू लाई विद्यार्थी भिसामा क्यानडा जान सघाई रहेको आइसिसीको सुदूरपश्चिमका लागि धनगढीमा एक मात्र शाखा रहेको छ ।
